تطور سلوكي جديد لدى الشمبانزي

من المعلوم أنو الشمبانزي هو أقرب كائن حي على وجه الأرض للبشر، يتشارك معاه في حوالي 98.8٪؜ من الحمض النووي وتوصل حتى مرات لحوالي 99٪؜، طبعا التطابق الكبير هذا ينعكس في شكل برشة تفاصيل جسدية وسلوكية، الشمبانزي وصل حتى أنو ينظم حروب وخطط وتكتيكات بنفس الطريقة متاع البشر تقريبا بل حتى استعمالهم للأدوات وغيرها، وفي ورقة بحثية جديدة قاموا ها فريق من كلية علم النفس وعلم الأعصاب، جامعة سانت أندروز، وتنشرت في دورية Biology Letters التابعة لمؤسسة The Royal Society، لقاو أنو الشمبانزي طوّر سلوك جديد، على وجه الأرض طبعا كان موجود فقط عند البشري وحده.

الفريق لقى أنو الشمبانزي في الحقيقة واعي جدا ويعرف جيدا وقت يعتمد على الحظ في التخمين يعني يعرف أنو وقت اختيار شيء ما أنو استعمل الحظ، الفريق عملوا سلسلة من التجارب السلوكية باش يحددوا ما إذا كان الشمبانزي يعرف متى يعتمد على الحظ في اتخاذ القرارات، والنتائج، كشفت بوضوح أنو يدرك جيدا أنو قاعد يعتمد على الحظ وقت يتخذ خيارات ماهيش مؤكدة عندو، (يفكرنا بمن ؟ اي هذا هو طبعا البشري من غيره)، هنا سلسلة التجارب الي صارت في حديقة حيوان إدنبرة، تضمنت تقديم اثنين من الأكواب للشمبانزي، واحد منهم أحدهما يحتوي على حلوى والآخر فارغ. 

الشمبانزي كان لازم عليه يختار بين الكأسين في سيناريوهات مختلفة، وفي بعض التجارب مثلا عطاوه كاس وتم تعريفو أنو الكاس هذا فيه مكافأة الشيء الي سمحلهم باش يتخذوا قرار واضح وعن علم، وفي تجارب أخرى، ما تمش توضيح أي كاس يحتوي على المكافأة، الشيء الي أجبرهم على التخمين، وهنا، بعد ما اتخذوا القرار الأولي، عطاوهم فرصة باش ياخذوا قرار ثاني ووصلولهم أنهم يمكنهم أنهم يتمسكوا باختيارهم الأولي وممكن يتحصلوا على مكافأة أو يختاروا كوب صغير يحتوي بالتأكيد على وجبة خفيفة أصغر شوية، والصدمة، الفريق لاحظ. أنو في التجارب الي كان على الشمبانزي أنو يخمنها، مشاو اختاروا الكوب الوهمي الأصغر ممبعد، والسلوك هذا أشار بوضوح أنو الشمبانزي أدرك أنو الخيار الأولي متاعو كان غير مؤكد واختار مكافأة مؤكدة، حتى وإن كانت مؤكدة، يعني نفس السلسلة متع التجارب والنتائج الي تصير على البشري.

الفريق أضاف المزيد من الأكواب باش يجعل التخمين أكثر صعوبة، ولاحظوا أنو الشمبانزي الي أخطأ في التخمين في البداية، اختار الكوب الأصغر برشة مرات ممبعد الشيء الي مما يدل على أنهم يعرفو جيدا وواعين بأنهم قاعدين يعتمدوا على الحظ، كذلك الشمبانزي الي خمنوا بشكل صحيح في المرة الأولى، واصلوا في الاختيار بين الكؤوس، معتقدين أنهم على ما يبدو محالفهم الحظ والدنيا ماشية معاهم، وهذا الكل عن وعي واضح جدا يعني، وعليه الدراسة أظهرت أنو الشمبانزي يفهم وقت يقوم بالتخمين ويغير سلوكو  بناء على نجاحه أو فشله، على غرار البشر بالضبط، البشر الي كان هو الكائن حي الوحيد الي عندو السلوك هذا، وهنا انظم له الشمبانزي، ماهوش غريب طبعا في النهاية، أقرب كائن كي له.

المراجع للتعمق – الورقة البحثية هنا

ياسين خضراوي

كاتب، مدقق، مترجم وكاتب مقالات علمية ومحرر في كافة مشاريع ويكيميديا، ومؤسس منظمة الباحثون التونسيون