ثورة قادمة في مجال الزراعة
في اختراق علمي جديد عملوه فريق من الباحثين من معهد الجينوم المبتكر في جامعة كاليفورنيا، بيركلي، وتنشر في دورية Science Advances صار اختراق كبير في مجال التكنولوجيا الحيوية الزراعية وين الفريق استخدم ولاول مرة على الإطلاق تقنية CRISPR/Case9 باش يعززوا عملية التمثيل الضوئي في الأرز، الدراسة الثورية هذي والي هي جزء من مشروع تحقيق زيادة كفاءة التمثيل الضوئي (RIPE)، أول طريقة حيوية باش يحرروا بها الجينات باش يزيدو بها عملية التعبير الجيني أو Gene expression وكذلك باش ينشطو بها التمثيل الضوئي في المحاصيل الغذائية.
هنا، وعلى الاستخدامات السابقة لـ CRISPR/Cas9، والي كانت تركز بالأساس أنها تعطل التعبيز الجيني هذا أو تقلل منو، الطريقة الجديدة هدفت باش تعزز الوظيفة متاع الجينات. في سلسلة التجارب، الفريق عدلو الحمض النووي التنظيمي الأولي للجينات المستهدفة، المناطق هذي تتحكم في كمية وتوقيت التعبير الجيني، ومن خلال تغييرها، الفريق سعى أنو يحدد ما إذا كانت التغييرات هذي يمكن أنها تعزز كفاءة التمثيل الضوئي للنباتات، والمثير للدهشة أنو التعديلات أدات إلى زيادات أكبر ببرشة في التعبير الجيني عما كان متوقع أصلا، التعبير الجيني هذا عندو قدرة فائقة على أنو يعزز المحاصيل متاع الزراعات بشكل صاروخي من خلال التلاعب بالكيفية الي تنمو بها النباتات، واستجابتها للضغوط البيئية، واستخدامها للمواد الغذائية.
الدراسة والي تمت على الأرز، الباحثون حبو عبرها يجعلو من نباتات الأرز أفضل بكثير في استخدامها لضوء الشمس باش تنمو دون إضافة جينات دخيلة، وركزوا على الجينات الموجودة بشكل طبيعي في الأرز والتي تساعد في الشيء هذا، واستخدموا التقنية المذكورة آنفا، باش يعدلوا الحمض النووي لنباتات الأرز، الشيء الي خلاها أفضل ببرشة في استخدام الضوء باش يكون عندها تمثيل ضوئي ممتاز، بلغة أسهل، الدراسة وسلسلة التجارب الثورية الموفقة هذي، باش تزيد بشكل كبير برشة في المحاصيل، ومن خلال تحسين كفاءة عملية التمثيل الضوئي في نباتات الأرز، باس تولي تنتج كميات قياسية أكبر ببرشة من الوضع الحالي وبنفس القدر من الموارد أصلا، يعني محتاجين ماء أكثر أو خلافه، الشيء الي باش يساهم قريبا في مواجهة تحديات خطيرة جدا على غرار الأمن الغذائي وباش تعزز الإنتاج الغذائي العالمي.
المراجع للتعمق – الورقة البحثية هنا
كاتب، مدقق، مترجم وكاتب مقالات علمية ومحرر في كافة مشاريع ويكيميديا، ومؤسس منظمة الباحثون التونسيون
إرسال التعليق