صحة الأب تؤثر بشدة على ذرّيته القادمة وخاصة اصابتهم بالسكري
لطالما كانت الصحة العامة متاع الأجيال القادمة موضوع اهتمام متزايد في المجال متاع البحوث الطبية، وخاصة فيما يتعلق بكيفية تأثير صحة الوالدين وخيارات نمط الحياة متاعهم على ولادهم، تقليديا، كنا نركزوا ديما على الصحة متاع الأم وتأثيرها المباشر على الجنين الي قاعد ينمو، لكن في الحقيقة، طلع طرف آخر عندو دور محوري أكثر طلع للواجهة حاليا، وفي ورقة بحثية جديدة عملوها فريق من الباحثين من معهد علم الوراثة التجريبي، مركز الأبحاث الألماني للصحة البيئية، والمركز الألماني لأبحاث مرض السكري، لقاو إنو الأب والصحة العامة متاعو قبل ما يدخل الزوجين في مرحلة الحمل، تؤثر بشدة على الطفل الي باش يجي.
الدراسة سلطت الضوء على كيفاش أنو النظام الغذائي متاع الآباء ووزن جسمهم قبل الحمل يؤثر بشكل كبير برشة على صحة الصغار الي جايين، الشيء الي يزيد من خطر الإصابة بالسمنة والأمراض الأيضية كيف مرض السكري خاصة، الدراسة ركزت على جزيئات الحمض النووي الريبوزي (RNA) الصغيرة الموجودة في الحيوانات المنوية، والمعروفة باسم أجزاء الحمض النووي الريبي (tRNA) في الميتوكوندريا (mt-tsRNAs)، والي تلعب دور حاسم في التعبير الجيني أو Gene Expression ووراثة السمات الصحية، وباستخدام بيانات من مجموعة LIFE Child والتجارب الي عملوها على الفئران لقاو أنو النظام الغذائي الأبوي الغني بالدهون يؤثر على الحيوانات المنوية بشكل مباشر، الشيء إلى يؤدي إلى مواليد أكثر عرضة للإصابة بالأمراض الأيضية وعلى رأسها السكري طبعا.
التأثير الخطير هذا لقاو إنو يقع بشكل مستقل تماما عن الصحة متاع الأم وعن الجينات متاعها أو البيئة الي هي فيها، وباش يتأكدو من النتائج عملوا التجارب على الفئران الي عطاوها نظام غذائي غني بالدهون، الشيء الي أثر ممبعد على الأعضاء التناسلية متاعها، خاصة منطقة البربخ أو epididymis وين تنضج الحيوانات المنوية، وعليه، لقاو أنو تعرض الحيوانات المنوية لنظام غذائي غني بالدهون وصل إلى إنجاب ذرية عندها إصابة أكبر بالأمراض الأيضية خاصة مرض السكري، لذلك، هنا وفي حين أنو كان يعتقد قبل أنو يمكن توريث مرض السكري من خلال العوامل الوراثية من الوالدين الزوز، الدراسة هذي أشارت بوضوح إلى أنو نمط حياة الأب وصحتو قبل الحمل عندها نصيب الأسد في تطور السكري عند ولادو، يعني، الأب حياة ابنه الصحية رهينة يديه، ولذلك، خطّط جيدا يا صاح !
لمراجع للتعمق – الورقة البحثية هنا
كاتب، مدقق، مترجم وكاتب مقالات علمية ومحرر في كافة مشاريع ويكيميديا، ومؤسس منظمة الباحثون التونسيون
إرسال التعليق