تطوير جلد حي قابل للشفاء الذاتي للروبوتات

 في ورقة بحثية ثورية قاموا بها مجموعة من الباحثين من جامعة طوكيو وجامعة هارفرد وتنشرت البارح في دورية Cell، أعلنو فيها للعالم أنهم طوروا طريقة جديدة باش يصنعو بشرة نابضة بالحياة ذاتية الشفاء للروبوتات، وهذا من خلال الجمع بين الخلايا متاع الجلد المزروعة والسيليكون، الجلد هذا يتربط بالروبوتات باستخدام ثقوب صغيرة في الهياكل العظمية متاعها، مما يسمح لخطافات جاية على شكل حرف V، المعروفة باسم “perforation-type anchors”، أنها تربط الجلد بشكل آمن دون من غير حدوث ترهلات أصلا، سلسلة التجارب أظهرت أنو النهج هذا ما يمنعش الجلد من أنو يتدلى فحسب، بل تمكنّو كذلك من أنو يصلح نفسو بنفسو ويحاكي قدرة الجلد البشري على الشفاء من الجروح والخدوش، يعني تخيل روبوت بجلد بشري يشفي نفسو كبفك أنت عزيزي البشري.

الطرق السابقة لربط الجلد الاصطناعي تضمنت استخدام مثبتات خارجية، الشيء الي ممكن يسبب كتل ويضر بمظهر الجلد الي يشبه الإنسان، وهنا، ومن خلال معالجة سطح الروبوت ببلازما بخار الماء باش تخليه يتعايش مع الماء الفريق تأكد من أنو الهلام متاع الجلد المزروع يلتصق بعمق، بل الاختبارات أظهرت أنو الجلد على الأسطح الي ما تحتويش على مثبتات تقلص بنسبة 84.5٪؜ على مدى 7 أيام، في حين أنو الجلد على الأسطح الي يبلغ قطرها 1 ملم تقلص بنسبة 33.6٪؜ فقط، والطريقة الثورية هذي حافظت التماسك متاع الجلد بإحكام وقللت من التآكل.

يعني ببساطة أكثر، الفريق ابتكر نوع جديد من الجلد الاصطناعي للروبوتات مطابق تقريبا ويشتغل كيف جلد الإنسان الحقيقي، الجلد هذا ينجم يشفي نفسو إذا تعرض للتلف ويقعد ديما ملتصق بالروبوت دون أنو يترهل، التقنية هذي باش تولي تجعل الروبوتات تبدو وتتحرك كيف البشر تماما، وتعزز متانتها من خلال السماح بالإصلاح الذاتي، وباش تحل تطبيقات جديدة ثورية مستقبلا، الدراسة كذلك باش توصل إلى تقدم طبي في علاج شلل الوجه وتحسّن العمليات الجراحية التجميلية والعظام، وقريبا ممكن جدا أنو يكون عندنا Terminator كما في الفيلم بالضبط.

المراجع للتعمق – الورقة البحثية هنا

ياسين خضراوي

كاتب، مدقق، مترجم وكاتب مقالات علمية ومحرر في كافة مشاريع ويكيميديا، ومؤسس منظمة الباحثون التونسيون